Պատմամշակութային ժառանգության մասին 1998թ.-ին ընդունված օրենքում կան թերացումներ, և օրենսդրական դաշտի բացերը լրացնելու համար ստեղծվել է նոր նախագծային փաթեթ: Փաթեթը նախատեսում է փոփոխություններ գործող օրենքի մեջ, ինչպես նաև նորահայտ հուշարձանների մի հսկայական ցանկի ներառում հուշարձանների ցուցակի մեջ:

Հուլիսի 23-ից Աղվերանում անցկացվում է «Մշակույթների երկխոսություն 2014» 4-րդ միջմշակութային փառատոնը:

Օգոստոսի 5-ից 14-ը «Տարբեր մշակույթներ՝ մեկ մարդկություն» երիտասարդական փոխանակման ծրագիրը 7 երկրից 35 երիտասարդի կմիավորի Երևանում: Ծրագրի շրջանակում Հայաստանի, Վրաստանի, Լատվիայի, Ռումինիայի, Իտալիայի, Ուկրաինայի և Պորտուգալիայի երիտասարդ առաջնորդներն ու մասնակիցները հնարավորություն կունենան ուսումնասիրել միմյանց մշակույթները, հաստատել միջմշակութային հաղորդակցություն և երկխոսություն:

Ռեժիսոր Հովիկ Հախվերդյանի «Նարեկացի որոնելիս» վավերագրական ֆիլմը առաջին անգամ հանդիսատեսի դատին հանձնվել է «Ֆրեսկո» միջազգային կինոփառատոնի շրջանակում: Այն երաժշտության, նկարչության, խոսքի և աղոթքի գրավիչ ու միստիկ միաձուլում է:

Կյանքի 79-րդ տարում վախճանվել է ՀՀ արվեստի վաստակավոր գործիչ, Հայաստանի թատերական գործիչների միության անդամ, թատերագետ Մարգարիտա Վիկտորի Յախոնտովան:

15 երկրներից տարբեր ազգությունների շուրջ 100 երիտասարդ է ժամանել Հայաստան՝ ներկայացնելու իրենց մշակույթը և ծավալելու երկխոսություն ազգային արվեստի, երաժշտության, ֆիլմի, պարի, բանահյուսության, ավանդական և ծիսական խաղերի, ազգային խոհանոցի և դիցաբանության միջոցով:

2014 թվականին միջազգային 4-րդ փառատոնին մասնակցության հայտ ներկայացրել են Ճապոնիայից, Ֆրանսիայից, Իրանից, Թայլանդից, Գերմանիայից՝ անհատ կատարողներ և թատերախմբեր: Փառատոնին կմասնակցեն նաև հայաստանյան երիտասարդական թատերախմբեր և անհատներ ինչպես մնջախաղի, այնպես էլ կրկեսային, պարային և պլաստիկ ժանրերի: Կանցկացվեն վարպետության դասեր պրոֆեսիոնալների և հանդիսատեսի համար:

Սանկտ Պետերբուրգի «Սպիտակ գիշերների աստղեր» 22-րդ միջազգային երաժշտական փառատոնի շրջանակում թատրոնի բալետային խումբը Արամ Խաչատրյանի «Գայանե» բալետային ներկայացմամբ հանդես եկավ Սանկտ Պետերբուրգի նշանավոր Մարիինյան թատրոնում

«Ոսկե ծիրան» Երևանի 11-րդ միջազգային կինոփառատոնը մոտեցավ իր ավարտին, եւ Ժյուրիի կազմը Ալ. Սպենդիարյանի անվան Օպերայի եւ բալետի ազգային ակադեմիական թատրոնում կայացած փառատոնի փակման հանդիսավոր արարողության ժամանակ՝ հուլիսի 19-ին, հայտարարեց մրցանակակիրներին:

Հարյուր տարեկան Ալան Կառլսոնը իր տարեդարձի օրը փախչում է ծերանոցից, ավտոբուսի կանգառում ակամայից գողանում փողերով լցված ճամպրուկ ու ընկնում անհավանական արկածների մեջ, իսկ նրան սկսում են հետևել քաղաքի ոստիկանությունը` մի կողմից, ճամպրուկի տեր ավազակները` մյուս կողմից:

Լավագույն աշխատանքները կներառվեն «Պատասխան՝ 100 տարի անց» խորագրով պատկերագրքում և կցուցադրվեն Հայաստանի ազգային պատկերասրահում՝ նույնանուն ցուցադրության շրջանակում։

Հուլիսի 17-ին 80 տարեկանում կյանքից հեռացավ ՀՀ ժողովրդական նկարիչ Հենրիկ Արամի Մամյանը: