Մեկնարկում է «Հովեր» պետական կամերային երգչախմբի համերգային շրջագայությունը
Հունվարի 22-ին մեկնարկում է «Հովեր» պետական կամերային երգչախմբի համերգային շրջագայությունը: Համերգները նվիրվում են Հայոց ցեղասպանության 100-րդ տարելիցին:
Երգչախումբը մենահամերգներով հանդես կգա Ֆրանսիայում, Տալլինում և Սանկտ Պետերբուրգում: «Հովերը» 2015 թվականն սկսել է նոր ձայնասկավառակով, որի մեջ ներառված են Կոմիտասի, Սյունիի, Սայաթ-Նովայի և ժամանակակից 20 հայ կոմպոզիտորների խմբերգային ստեղծագործությունները: Երգացանկն ընդգրկում է հայ հոգևոր և աշխարհիկ, ավանդական և ժամանակակից, ինչպես նաև արևմտաեվրոպական հեղինակների ստեղծագործություններ:
Նշենք, որ 2012 թվականին «Հովեր» պետական կամերային երգչախմբի մի խումբ առաջատար երգիչներ միավորվեցին «Հովեր-անսամբլ» ստեղծելու գաղափարի շուրջ: Կարճ ժամանակում «Հովեր-անսամբլը» հասցրել է հանդես գալ Իտալիայի, Ֆրանսիայի, Մեծ Բրիտանիայի, Գերմանիայի, Ավստրիայի, Ռուսաստանի, Վրաստանի, Լեհաստանի, Թայվանի և Բելգիայի հեղինակավոր համերգասրահներում:
Երգչախմբի հիմնադիրն ու ղեկավարն է ՀՀ արվեստի վաստակավոր գործիչ Սոնա Հովհաննիսյանը:
Երգչախումբը մենահամերգներով հանդես կգա Ֆրանսիայում, Տալլինում և Սանկտ Պետերբուրգում: «Հովերը» 2015 թվականն սկսել է նոր ձայնասկավառակով, որի մեջ ներառված են Կոմիտասի, Սյունիի, Սայաթ-Նովայի և ժամանակակից 20 հայ կոմպոզիտորների խմբերգային ստեղծագործությունները: Երգացանկն ընդգրկում է հայ հոգևոր և աշխարհիկ, ավանդական և ժամանակակից, ինչպես նաև արևմտաեվրոպական հեղինակների ստեղծագործություններ:
Նշենք, որ 2012 թվականին «Հովեր» պետական կամերային երգչախմբի մի խումբ առաջատար երգիչներ միավորվեցին «Հովեր-անսամբլ» ստեղծելու գաղափարի շուրջ: Կարճ ժամանակում «Հովեր-անսամբլը» հասցրել է հանդես գալ Իտալիայի, Ֆրանսիայի, Մեծ Բրիտանիայի, Գերմանիայի, Ավստրիայի, Ռուսաստանի, Վրաստանի, Լեհաստանի, Թայվանի և Բելգիայի հեղինակավոր համերգասրահներում:
Երգչախմբի հիմնադիրն ու ղեկավարն է ՀՀ արվեստի վաստակավոր գործիչ Սոնա Հովհաննիսյանը:
- Created on .
- Hits: 2739