ԼԵՈՆԱՐԴՈ ԴԱ ՎԻՆՉԻԻ ԱՄԵՆԱԹԱՆԿ ԿՏԱՎԸ՝ ԱԲՈՒ ԴԱԲԻԻ ԼՈՒՎՐ ԹԱՆԳԱՐԱՆՈՒՄ
Ֆրանսիական Լուվր արվեստների թանգարանի՝ Աբու Դաբիում բացված առաջին մասնաճյուղն իր հավաքածուում կներառի Լեոնարդո դա Վինչիի «Աշխարհի փրկիչը» կտավը։ ՌԻԱ Նովոստին հաղորդում է, որ նոյեմբերին աճուրդում այն վաճառվել է ռեկորդային 400 մլն դոլարով:
«Լեոնարդո դա Վինչիի «Աշխարհի փրկիչն» ուղարկվում է Աբու Դաբիի Լուվր»,- նշված է թանգարանի պաշտոնական Twitter-ի էջում:
Նոյեմբերի կեսերին նկարը վաճառվել է Նյու Յորքի Christie's աճուրդում: Լեոնարդո դա Վինչիի հայտնի կտավներից մասնավոր հավաքածուում գտնվող միակ գործը դարձել է ոչ միայն հետպատերազմյան և ժամանակակից արվեստի, այլև ամբողջ 21-րդ դարի գլխավոր լոտը: Նշվում է նաև, որ աճուրդը տևել է կես ժամ, իսկ նկարը բաժին է հասել այն գնորդին, որն առաջարկել է 400 մլն դոլար:
- Created on .
- Hits: 2899