ՖՐԱՆՍԻԱԿԱՆ ԴԱՍԱԿԱՆ ՄԵՂԵԴԻՆԵՐԸ ԳՅՈՒՄՐԻՈՒՄ
20-րդ դարի ֆրանսիական կոմպոզիտորների երաժշտության սիրահար չորսերաժիշտներ որոշել են միավորվել, ստեղծել երաժշտական խումբ ու ներկայացնել ժամանակակից դասական երաժշտությունը Հայաստանում «Beau Soir» («Հրաշալի երեկո») համերգների շարքով՝ կատարելով 20-րդ դարի երկրորդ կեսի անվանի կոմպոզիտորների՝ Դեբյուսիի, Ռուսելի, Ռավելի, Պուլենկի, Հյուի, Իբեռի, Օնեգեռի և Ֆռանսեի ստեղծագործությունները ֆլեյտայի և վոկալի համար:
«Համերգին ներկայացնում ենք 20 –րդ դարի կոմպոզիտորների մեր կողմից սիրված երգերի ընտրանին: Շատ պատահաբար հանդիպեցի Մարիաննա Կարապետյանին (սոպրանո), պարզվեց, որ նա էլ է երազում ֆրանսիական այսպիսի բազմաբնույթ արիաներ կատարել և պլանավորում էր մենահամերգ կազմակերպել: Որոշեցինք համատեղ ներկայանալ և ստացվեց վոկալի ու ֆլեյտայի համար նախատեսված ստեղծագործությունների երեկո, հետո մեզ միացան Նունե Մանուչարյանը (դաշնամուր), Հռիփսիմե Աղաքարյանը (դաշնամուր)», - նշում է Լիլիթ Մանարյանն ու ներկայացնում համերգի առանձնահատկությունը: Հատկապես կարևորում է այն, որ նման թեմատիկ համերգներ հազվադեպ են կազմակերպվում: Նույնիսկ եթե ունկնդիրը դասական երաժշտության սիրահար չլինի, կզարմանա, երբ տեսնի, թե ինչպես են ֆլեյտան ու վոկալը զուգակցվում՝ լրացնելով մեկը մյուսին:
«Համերգին ներկայացնում ենք 20 –րդ դարի կոմպոզիտորների մեր կողմից սիրված երգերի ընտրանին: Շատ պատահաբար հանդիպեցի Մարիաննա Կարապետյանին (սոպրանո), պարզվեց, որ նա էլ է երազում ֆրանսիական այսպիսի բազմաբնույթ արիաներ կատարել և պլանավորում էր մենահամերգ կազմակերպել: Որոշեցինք համատեղ ներկայանալ և ստացվեց վոկալի ու ֆլեյտայի համար նախատեսված ստեղծագործությունների երեկո, հետո մեզ միացան Նունե Մանուչարյանը (դաշնամուր), Հռիփսիմե Աղաքարյանը (դաշնամուր)», - նշում է Լիլիթ Մանարյանն ու ներկայացնում համերգի առանձնահատկությունը: Հատկապես կարևորում է այն, որ նման թեմատիկ համերգներ հազվադեպ են կազմակերպվում: Նույնիսկ եթե ունկնդիրը դասական երաժշտության սիրահար չլինի, կզարմանա, երբ տեսնի, թե ինչպես են ֆլեյտան ու վոկալը զուգակցվում՝ լրացնելով մեկը մյուսին:
«Beau Soir» ( «Հրաշալի երեկո» ) ֆրանսիական ստեղծագործությունների առաջին համերգը տեղի ունեցավ Գյումրու թիվ 6 երաժշտական դպրոցում: Դա երաժիշտների առաջին այցելությունը չէր Գյումրի, նրանք մասնակցել են նաև «Վերածնունդ» միջազգային փառատոնին՝ որպես անհատ կատարողներ:
Դասական երաժշտության սիրահար խումբը նախատեսում է համերգներ կազմակերպել Դիլիջանում, ապա շրջել հայաստանյան տարբեր բնակավայրերով ու մարդկանց հրամցնել որակյալ երաժշտություն, որի միջոցով միայն կարելի է պայքարել ցածրորակ մշակույթի դեմ:
Դասական երաժշտության սիրահար խումբը նախատեսում է համերգներ կազմակերպել Դիլիջանում, ապա շրջել հայաստանյան տարբեր բնակավայրերով ու մարդկանց հրամցնել որակյալ երաժշտություն, որի միջոցով միայն կարելի է պայքարել ցածրորակ մշակույթի դեմ:
Անահիտ Հարությունյան
- Created on .
- Hits: 2935