ԿԼԱՈՒԴԻԱ ԿԱՐԴԻՆԱԼԵՆ՝ ԿԱՆՆԻ 70-ՐԴ ԿԻՆՈՓԱՌԱՏՈՆԻ ԴԵՄՔ

 Կաննի 70-րդ միջազգային կինոփառատոնի դեմք է դարձել իտալացի դերասանուհի Կլաուդիա Կարդինալեն: Deadline-ի հաղորդմամբ` դերասանուհին պատկերվել է փառատոնի պաշտոնական պաստառի վրա:

Կինոփառատոնի կազմակերպիչները հայտարարել են, որ պաստառն իրենից ներկայացնում է իրադարձություն, որը խոստանում է «տոն կրքոտ կարմիրով և փայլող ոսկեգույնով»:

Կարդինալեն հայտնել է, որ սա մեծ պատիվ է իր համար, և ինքը հիացած է ընտրված լուսանկարով:

«Երբեք չեմ երազել, որ մի օր աշխարհի ամենահայտնի կինոթատրոնի սրահում կցատկոտեմ ու կպարեմ»,- ասել է դերասանուհին:

Հայտնի է, որ Կաննի կինոփառատոնի պաստառները մշտապես ուշադրության կենտրոնում են և հետաքրքրություն են առաջացնում: Տարբեր տարիների այդ պաստառների վրա հայտնվել են Ինգրիդ Բերգմանը, Մարչելո Մաստրոյանին, Մերիլին Մոնրոն և ուրիշներ:

Կարդինալեն մի քանի անգամ եղել է փառատոնում: Առաջին անգամ 1961 թվականին:

  • Created on .
  • Hits: 2515

Կայքը գործում է ՀՀ մշակույթի նախարարության աջակցությամբ։

© 2021 Cultural.am. Բոլոր իրավունքները պաշտպանված են ՀՀ օրենսդրությամբ: Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: