ՄԱՐԴՆ ԱՅՆ Է, ԻՆՉ ԿԱՐԴՈՒՄ Է
Իոսիֆ Բրոդսկին ազատության խորհրդանիշ է։ Պոեզիայում արած առաջին քայլերից սկսած` նա զարմացնում էր քնարակության այնպիսի ուժով, այնպիսի յուրօրինակ և խորը պոետական ձայնով, որը դեպի իրեն էր քաշում ոչ միայն իր հասակակիցներին, այլև ավագ սերնդի ներկայացուցիչներին։ Ամենից շատ նրա մեջ զարմացնում է պոետական հզորությունը և պայքարը նոր բանաստեղծական խոսքի համար, որի մեջ էր Բրոդսկին իր ողջ կյանքի ընթացքում։
Ներկայացնում ենք գրողի մտքերը կյանքի, երջանկության, սիրո և արվեստի մասին։
- Մենք գնում ենք, բայց գեղեցկությունը մնում է։ Նույնն է, թե՝ մենք ուղևորվում ենք դեպի ապագա, իսկ գեղեցկությունը մշտական ներկան է։
- Թվում է՝ երջանկությունը հենց այն պահն է, երբ ազատության մեջ բախվում ես քո ամբողջությունը կազմող տարրերին։
- Իմ կյանքի և վարքագծի մեջ միշտ առաջնորդվել եմ հետևյալ կերպ ՝ թող լինի այն, ինչ լինում է։
- Եթե քերականորեն գոյություն ունի հետո կոչվող ժամանակը, ամեն բան քիչ թե շատ կընկնի իր տեղը։ Ծայրահեղ դեպքում՝ կապված իմ գրքերի հրատարակման հետ։
- Բանտը տարածության պակաս է՝ փոխհատուցված ժամանակի ավելցուկով։
- Չեմ կարող ասել, որ չեմ կարող ապրել առանց քեզ, որովհետև ապրում եմ։
- Ձմեռը տարվա պարզ եղանակն է։
- Ի՞նչն է կործանում դինաստիաները՝ թագաժառանգների ավելցուկը։
- Անկախությունը կորցնելն ավելի վատ է, քան կուսությունը կորցնելը։
- Փորձեք բարի լինել ձեր ծնողների հանդեպ, մի հակառակվեք նրանց. ամենայն հավանականությամբ նրանք կմահանան ձեզանից շուտ, այնպես որ դուք կարող եք ազատել ձեզ վատագույն դեպքում մեղքի աղբյուրից, եթե ոչ վշտից։
- Հիմար մի եղիր։ Եղիր այն, ինչ ուրիշները դեռ չեն եղել։
- Մարդն այն է, ինչ կարդում է։
- Ակնհայտի մասին խոսակցությունների թերությունն այն է, որ դրանք ապականում են գիտակցությունն իրենց պարզությամբ, հեշտ ընկալելի ճշմարտության զգացողությամբ։
- Ի տարբերություն կենդանիների՝ մարդն ի վիճակի է հեռանալ այն ամենից, ինչ սիրում է։
- Սիրո «առարկան» չի ցանկանում լինել հետաքրքրասիրության «առարկա»։
- Աշխարհը ամենայն հավանականությամբ փրկել այլևս հնարավոր չէ, բայց առանձին մարդկանց փրկել միշտ հնարավոր է։
- Եթե նախագահները չեն կարողանում դա անել իրենց կանանց հետ, անում են դա իրենց երկրների հետ։
- Երկու բան կա, որ արդարացնում է երկրի վրա մարդու գոյությունը՝ սերը և արվեստը։
- Միայնությունը սովորեցնում է իրերի էությունը, քանզի նրանց էությունը հենց միայնությունն է։
- Ազատությունն այն է, երբ բռնակալի մոտ մոռանում ես հայրանունդ։
- Ռուսաստանում չկա մի դահիճ, ով չի վախենում, որ մի օր զոհ կդառնա և չկա այնպիսի զոհ, թեկուզ ամենադժբախտը, ով չի խոստովանի (թեկուզ ինքն իրեն) դահիճ դառնալու իր բարոյական կարողության մասին։
- Մեր գիտակցության բուն պատմությունը սկսվում է առաջին ստից։ Իմը ես հիշում եմ։
Աղբյուրը՝ AdMe.ru
Ռուսերենից թարգմանեց Աննա Կարապետյանը
- Created on .
- Hits: 2785