Սեյրան Գրիգորյան. «Չարենցի բնագիրը»
Ես այն չեմ այլևս, այն չեմ,
Նայիրյան միամիտ այն պոետը,
Որ ուզում էր երգերով թռչել
Եվ անցնել այս նեղ արահետը:
Եղ. Չարենց
Եղ. Չարենց
Ամեն օր նոր, ամեն բանաստեղծության մեջ իրեն նորովի բացահայտել ստիպող Չարենցին երևի երբեք չդադարեն ուսումնասիրել: Չարենցյան ստեղծագործությանը նվիրված գրականագիտական հոդվածների և ուսումնասիրությունների մի նոր ժողովածու է չարենցասերների, և ոչ միայն նրանց, սեղանին:
Սեյրան Գրիգորյանի «Չարենցի բնագիրը» խորագրով ժողովածուն կշռադատված, լրացնող հայացք է չարենցագետների մինչ այս հրատարակած գրքերին: Ներառված են գրականագետի՝ տարբեր տարիներին Չարենցի՝ հատկապես անտիպ բնագրերի ուսումնասիրությանը նվիրված հոդվածները:
Հեղինակն անդրադառնում է ինչպես վաղուց շրջանառվող, այնպես էլ մոտ անցյալում ընթերցողի դատին հանձնված չարենցյան ստեղծագործություններին, բնագրային շտկումներ կատարում, եզրույթային հստակություն մտցնում և այլն:
Բանասիրական գիտությունների դոցենտ Սեյրան Գրիգորյանի հրատարակած գրքերն են` «Ժամանակակից խորհրդահայ պոեմը», «Պսակազերծում. Եղիշե Չարենց», «Պարույր Սևակ. Արձագանքող անտառը», «Բանասիրություն և բանավեճ»:
Cultural.am կայքում կարող եք կարդալ «Չարենցի բնագիրը» հոդվածների ժողովածուում տեղ գտած «Եղիշե Չարենցի «Պատգամն» իբրև մեզոստիքոս», «Եղիշե Չարենցի տավտոգրամները», «Երբ նայում եմ քո բթամիտ դեմքին...» հոդվածները:
Ռուզաննա Ոսկանյան
Ռուզաննա Ոսկանյան
- Created on .
- Hits: 4313