2500-ամյա ընդմիջումից հետո վերաբացվում է

DCP_0138

    Աթենքի հանրահայտ Ակրոպոլիսի հարևանությամբ գտնվող Դիոնիսի հնամենի թատրոնը 2500 տարվա ընդմիջումից հետո կրկին բացում է իր դռները:

    Հազարավոր տարիների դադարից հետո այստեղ առաջին անգամ կբեմադրվի հին հույն ողբերգակ Էսքիլեսի «Շղթայակապ Պրոմեթևսը» աշխատությունից մի հատված, որի ընթացքում կհնչեն նաև Գլյուկի և Վիվալդիի ստեղծագործությունները: Նախատեսված է, որ 2 դերասաններ կընթերցեն Էսքիլեսի ողբերգության բնօրինակից պատառիկներ, այնուհետև կթարգմանեն դրանք:

    Բեմադրության պրեմիերան տեղի կունենա սեպտեմբերի 22-ին և կտևի մոտ 1 ժամ:

    Դիոնիսի թատրոնը համարվում է աշխարհի ամենահին թատրոններից մեկը: Այն կառուցվել է մ.թ.ա. 6-րդ դարում և տեղավորում էր մոտ 15 հազար հանդիսատես: 2009թ.-ից սկսած՝ թատրոնում վերականգնողական աշխատանքներ են իրականացվում, որոնք ավարտին կհասցվեն 3 տարուց: