Հենրի Միլլերի 11 պատգամները

1932-1933 թվականներին, աշխատելով իր «Խեցգետնի արևադարձը» վեպի վրա, Միլլերն իր համար սահմանել էր խիստ կանոններ և օրակարգ: Գրողի կարծիքով, այս խորհուրդներին արժի հետևել, որոնք հնարավոր է կօգնեն ձեզ ավելի արդյունավետ աշխատել:



1. Աշխատիր մի գործի վրա, մինչև այն կավարտես:
2. Ոչ մի նոր գիրք չվերցնես, ոչ մի նոր նյութ չավելացնես «Սև գարուն»-ի մեջ:
3. Մի՛ նյարդայնացիր: Աշխատի՛ր հանգիստ, թեթևչմտածելով՝ ինչ է ձեռքիդ տակ:
4. Աշխատի՛ր ըստ ծրագրի, այլ ոչ թե ըստ տրամադրության: Կա՛նգ առ նշանակված ժամին:
5. Երբ չես կարողանում ստեղծել, կարող ես աշխատել:
6. Ամեն օր մի փոքր ամրապնդելն ավելի լավ է, քան նոր նյութ ավելացնելը:
7. Մա՛րդ մնա: Մարդկա՛նց տես, տե՛ղ գնա, խմի՛ր, եթե զգում ես, որ պետք է:
8. Մի՛ եղիր ձիասայլի ձիու պես: Աշխատի՛ր միայն հաճույքով:
9. Հրաժարվի՛ր ծրագրից, երբ գտնում ես, որ պետք է, բայց վերադարձի՛ր դրան հաջորդ օրը: Կենտրոնացի՛ր: Մանրամասնի՛ր: Բացառի՛ր:
10. Մոռացի՛ր այն գրքերի մասին, որոնք ցանկանում ես գրել: Մտածիր միայն ա՛յն գրքի մասին, որը գրում ես:
11. Առաջին և մշտական տեղում գրելն է: Նկարչությունը, երաժշտությունը, ընկերները, կինոթատրոնը, այս բոլորը հետո են գալիս:
                                                                             Անգլերենից թարգմանեց Անի Հակոբյանը

Կայքը գործում է ՀՀ մշակույթի նախարարության աջակցությամբ։

© 2021 Cultural.am. Բոլոր իրավունքները պաշտպանված են ՀՀ օրենսդրությամբ: Կայքի հրապարակումների մասնակի կամ ամբողջական օգտագործման ժամանակ հղումը կայքին պարտադիր է: